Мадуро бара нов Устав, претседателот на Парламентот го обвини за државен удар
Претседателот на Венецуела, Николас Мадуро побара донесување нов Устав, кој би го составилo „народно тело“, со што би се заобиколил Конгресот составен од опозициските партии.
Тој пред своите приврзаници во главниот град Каракас истакна дека тој потег „ќе го блокира фашистичкиот удар“, кој и се заканува на државата.
Според Мадуро, новиот ентитет кој ќе го пишува Уставот треба да биде составен од граѓани, а не од политички партии и тоа би било „народно конститутивно тело“.
Ваквиот потег Мадуро го образложи со потребата за обновување на мирот и спречување на политичките противници во обидот да извршат државен удар.
- Неуморно ќе се борам за мир преку уставните механизми кои ми се на располагање, нагласи шефот на државата на седница на Советот на министри во претседателската резиденција.
Тој додаде дека членовите на Уставното собрание ќе бидат избрани преку директно гласање на граѓаните, истакнувајќи дека верува во политичката толерантност и во демократијата. Мадуро ја обвини опозицијата дека „не сака дијалог“.
Претседателот на Националното собрание, кое е под контрола на опозицијата, Хулио Борхес изјави дека свикувањето на Уставното собрание претставува државен преврат.
- Тоа е најсериозен државен удар во историјата на Венецуела и ние го повикуваме народот на бунт, истакна Борхес, повикувајќи ги граѓаните да продолжат со протестите и да се борат за своите права.
Десетици илјади луѓе веќе еден месец протестираат низ улиците на Венецуела и бараат заминување од власт на претседателот Мадуро.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација