Мадрид ги ограничи летовите над Барселона поради референдумот
Министерството за развојот на Шпанија одлучи да ги ограничи летовите над Барселона поради референдумот за независност, кој е планиран за 1 октомври.
Од денска па се до 2 октомври, воздушниот простор ќе биде затворен.
Од Министерството појаснуваат дека ограничувањето се однесува само за хеликоптерите и малите авиони.
Оваа мерка нема да влијае на работењето на еден од најголемите аеродроми во Шпанија - меѓународниот аеродром во Барселона.
Од Министерството потсетуваат дека досега имало вакви ограничувања, како на пример, по повод Националниот ден на Каталонија.
Додека шпанската Влада презема мерки да се спречи било каков инцидент, лидерот на Каталонија Карлес Пучдемон е уверен дека „никој од поддржувачите на независноста на Каталонија нема да си дозволи насилство и да ја зацрни пацифистичката беспрекорна слика“.
Тој изрази уверување дека в недела сите гласачи во шпанската автономна заедница ќе гласаат мирно на референдумот за независност, кој, пак, е прогласен за нелегален од страна на владата во Мадрид.
Пучдемон ги повика илјадниците шпански полицајци, испратени во Каталонија од централната власт со цел да го спречат гласањето, да дејствуваат в недела професионално, а не политички.
Портпаролката на каталонската влада, Хорди Турул денеска изјави дека организаторите на референдумот на 1 октомври имаа на располагање повеќе од 2.300 избирачки места, а 5,3 милиони луѓе имаат право на глас.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација