Лукач: Исламска држава има свои краци во БиХ
Министерот за внатрешни работи на Република Српска, Драган Лукач, говорејќи за серијата напади во Босна и Херцеговина во последно време изјави дека станува збор за терористички акти и дека Исламска држава има свои краци и во Босна и Херцеговина, соопшти Танјуг.
Во настапот на српската државна телевизија-РТС, Лукач изјави дека неколку стотици лица од Босна и Херцеговина војуваат во Сирија, од кои 40-50 се вратиле во земјата и со себе ги донеле радикалните идеи и идеологијата на злото.
- Имаме доволно информации кои се луѓето што се занимаваат со терористички акции во Босна и Херцеговина, рече Лукач.
Според него, проблемот е во тоа дека водечките политичари во Босна и Херцеговина, особено во Федерацијата Босна и Херцеговина, не сакат тероризмот да го нарекуваат со вистинското име и да кажат кои се луѓето кои се подготвени да извршат терористички акти.
- Сите досегашни терористички акти во Босна и Херцеговина беа поврзани со вахабиското движење, изјави Лукач и додаде дека во Босна и Херцеговина опстојуваат цели енклави, кои не ги признаваат државните закони и живеат според свои правила, во кои полицијата ретко влегува и кои се населени главно со вахабисти.
Ново на Сител
-
Преглед на вестите од светот
-
Тема на денот со Филип Рикер, поранешен амбасадор на САД во Македонија
-
„Алкалоид“ пушти во употреба нов светски погон за производство на лекови вреден 19.4 милиони евра
-
Четири години Македонија членка на НАТО
-
Гир: Не е точно дека ЕУ не ја сака Македонија, членството е лесно достижно
-
Тошковски: Сериозно сум загрижен за изборниот процес
-
Се заокружуваат предизборните коалиции
-
Азески: Економијата да биде приоритет, а политичарите да ги исполнат ветувањата