Ракомет
26. February 2016 - 9:17

ЛШ - жени: ЖРК Вардар гостува кај Савехоф

Женскиот ракометен шампион на Македонија ЖРК Вардар вечерва од 19 часот го игра последниот натпревар од групата 2. „Вардарки“ гостуваат кај шведската екипа савехоф која се наоѓа на последното место во групата. ЖРК Вардар веќе има обезбедено пласман во четвртфиналето и со победа вечерва ќе има можност да атакува на втората позиција во групата под услов Ѓер да загуби на гостувањето во Букурешт. Шанса (теоретска) постои и за првото место, но треба европскиот првак Будуќност да загуби дома од М итјиланд. Овие два дуела се играат во недела.

Инаку, потенцијални ривали на ЖРК Вардар во четвртфиналето се: Ларвик, ФТЦ и Баја Маре, екипи кои се наоѓаат од 2 до 4.место во групата 1.
 
Во оваа група во последното 10.коло играат: ФТЦ - Баја Маре, Турингер - Ростов Дон и Флери - Ларвик.
 
Табела група 1: Ростов Дон 17 бодови, Ларвик 10, Баја Маре 10, ФТЦ 10, Флери 6, Турингер 1.
Табела група 2: Будуќност 13, Ѓер 13, ЖРК Вардар 12, Букурешт 9, Митјиланд 5, Савехоф 2. 

Популарно од Ракомет

Ново на Сител

© 2024 Сител Телевизија