Ракомет
27. March 2016 - 21:15

ЛШ: Загреб направи сензација со елиминацијата на РНЛ

Ракометарите на Загреб направија изненадување откако вечерва во реванш 1/8 финалето го победија бундеслигашот Рајн Некар Ловен со 31:29 и со вкупни 54:53 го елиминираа лидерот во Бундес лигата. 

Рајн Некар беше подобар во првиот дел кога имаше и водство од пет голови, кое Загреб успеа да го ублажи. Во последните пет минути Загреб за првпат и поведе и на крајот стигна до победата од два разлика. Во тимот на РНЛ голманот на македонската репрезентација Борко Ристовски имаше настап во првиот дел и во последните пет минути од вториот дел.
Загреб со победата се избори за пласман во 1/4 финалето каде ќе игра против ПСЖ.
На вториот натпревар одигран попладнево Флензбург и во реваншот оствари победа од еден гол разлика над Монпеље 31:30.
Во четвртфиналето ќе играат: Вардар - Веспрем, Барселона - Кил, Флензбург - Киелце и Загреб  - ПСЖ.