ЛШ: ПСЖ во друштво на Вардар и Барселона во Келн

Ракометарите на ПСЖ се третата екипа што избори пласман на Ф4 турнирот во Келн откако синоќа во реваншот на домашен терен одиграа нерешено со ПИК Сегед 30:30 и само балгодарение на победата на првиот дуел од 30:27 се пласираа за Келн.

Гостите од Унгарија беа на чекор до изненадување и во 40.минута водеа со 25:21 резултат што им носеше пласман во полуфиналето, но во продолжението на дуелот не постигнаа гол 13 минути, а ПСЖ тоа го казни.

Најефикасни кај ПСЖ беа: Хансен и Никола Карабатиќ со по 6 голови, додека Балог за ПИК Сегед постигна 8.

Претходно пласман во полуфиналето изборија Вардар и Барселона со елиминацијата на германските екипи Флензбург односно Кил.

Вечерва се игра последното реванш четвртфинале од Лигата на шампионите меѓу Монпеље и Веспрем, а на првиот дуел победи Веспрем со 26:23.