Фудбал
17. March 2016 - 0:59

ЛШ: Барса и Баерн го комплетираа четвртфиналниот список

Екипите на Барселона и Баерн го комплетираа списокот на четвртфиналисти во Лигата на шампионите.

Барселона и по втор пат беше подобра од Арсенал, кој на Камп Ноу го победи со 3:1, а по лондоснките 2:0, актуелниот европски првак со вкупен резултат 5:1 се пласира во 1/4-финалето.
 
Баерн се спаси од елиминација, а потоа и успеа да го елиминира Јунентус. По нерешените 2:2 на првиот меч во Торино, италијанскиот шампион вчеравечер на Алијанц арената имаше водство од два гола, а се до содиското дополнение беше и пред пласман меѓу осумте најдобри. Сепак, Милер со голот во 91-минута се избори за дополнителни 30-минути, во кои баварците преку Алкантара и Коман стигнаа до победа од 4:2.
 
Со тоа,  Баерн и Барселона им се приклучија на: Реал Мадрид, Волфсбург, Бенфика и Париз Сен Жермен, Атлетико Мадрид и Манчестер Сити во четвртфиналето, за кое двојките ќе бидат извлечени в петок, а натпревари ќе се играат 5 и 6, односно реванш дуелите на 12 и 13 април.