-->
-->
ЛШ: Атлетико „готви“ изненадување против Барса
-->
Расплетот во фудбалската Лига на шампиони започнува во вторник, кога во првите четвртфинални натпревари ќе играат Барселона-Атлетико Мадрид и Баерн Минхен-Бенфика, а во среда ќе се соочат Волфсбург и Реал Мадрид, односно ПСЖ и Манчестер Сити.
Шпанското четвртфинале, дуелот на двете водечки екипи во Примера, е најпривлечниот дуел во оваа фаза во Лигата на шампионите.
Сезонава двете средби во шпанското првенство завршија со идентични победи (2:1) на Барселона. Сепак, расположението кај Каталонците, во пресрет на овој меч, не е на високо ниво поради саботниот домашен пораз од Реал (1:2).
Реал откри неколку слабости во играта на Барселона, и ја прекина серијата од 39 натпревари без пораз, во која се наоѓаше „блауграна“.
„Поразот од Реал нема да има влијание врз нас. Секако дека тој пораз нé боли, но веќе ја анализиравме играта и верувам дека нема да ги повториме грешките“, рекол капитенот на Барселона, Андрес Иниеста.
Атлетико, во саботата, со добра игра забележа убедлива победа над Бетис (5:1), но она што го загрижува тренерот Диего Симеоне е здравствениот билтен. Тројцата централни дефанзивци, кои играа оваа сезона се повредени (Годин, Хименез, Савиќ) и докторите ќе решат дали можат да играат.
Симеоне се бори и против традицијата, тој ги загубил шест натпревари против Барселона на Луис Енрике.
„Клучно е да постигнеме гол на гостински терен. Торес е во форма и тоа мора да го искористиме“, рекол Симеоне.
Баерн, кој во претходната рунда, избегна елиминација од Јувентус, во оваа фаза е апсолутен фаворит против Бенфика, осбено на првиот меч пред своите навивачи.
Покрај квалитетниот противник ниту традицјата не и е наклонета на Бенфика. Португалскиот тим на последните три натпревари во Минхен убедливо губел (5:1, 4:1, 4:1).
Натпреварите во Барселона и Минхен ќе започнат во 20:45, во истиот термин ќе се одиграат и натпреварите во Париз и Волфсбург, кои на програмата се во среда.
-->
-->
-->
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри