Лозарите од Тиквешијата бараат 15 денари за „вранец“ и 13 денари за „смедеревка“

Петнаесет денари за килограм грозје од сортата „вранец“ и 13 денари за килограм „смедеревка“ бараат лозарите од Тиквешко на почетокот на бербата.

- Цените се формирани врз основа на проценка на реалните трошоци кои ги имаат лозаропроизводителите при производство на грозје. Наспроти нас, винарите даваат 12 и 10 денари за овие најзастапени вински сорти на грозје, изјави денеска Љупчо Аризанов, претседател на регионалниот сојуз на лозари „Агротиквешија“. 

Тој нагласи дека преговорите меѓу двете страни ќе продолжат и во иднина. Вчерашната средба не донела конкретни заклучоци, а следната треба да се одржи следниот понеделник.