Лозарите бараат ревизија на работењето на Стефанс вајнери која отиде во стечај
Лозари од Тиквешко бараат ревизија на работењето на Стефанс вајнери која отиде во стечај. Тие се собраа за да се договорат околу следните чекори кои ќе ги преземат, за да си наплатат околу 850 илјади евра од стечајната маса, за грозјето продадено во 2015 година.
-На Божиќ мистериозно исчезнало виното од винаријата која ни должи. Станува збор за некогашната германска инвестиција во Кавадарци. Такви се нашите сознанија, изјави за МИА Трајче Кулев, претседател на Здружението „Напредни лозари“.
Од над 20 милиони килограми грозје од лозаропроизводителите, според нивните информации, било направено вино, од чија продажба тие се надевале дека ќе бидат намирени обврските кон нив.
-Но, нашата мака никогаш не беше наплатена, а грозјето како да ни беше украдено пред нашиот нос, би рекол. Многу ми е жал што се случи тоа, но ние до крај ќе си ги бараме парите, нагласи Кулев.
Изрази надеж дека на крај, сепак ќе ги добијат тешко спечалените пари од лозарството.
-Се сомневаме на криминал во изминатиот период во тој објект и исчезнување во непознат правец на машини и алатки, но евентуалните проверки на работењето во минатото, се надевам дека ќе ги дадат одговорите на сите отворени прашања. А виновниците, да си одговараат соодветно на законите, рече Кулев.
Според информациите од лозарите, мистериозно снемало и флашара и цистерни, кои исчезнале и покрај тоа што биле заложени под хипотека. Што се однесува до виното, пак, тоа најпрвин било чувано во друга винарија, флаширано па извезено.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп