Лошото време го одложи лансирањето на првиот словенечки сателит во вселената
Лошото време во Француска Гвајана повторно го одложи лансирањето на првиот словенечки сателит во вселената.
Во последен момент беше откажано лансирањето на ракетата носач, која практично во орбитата требаше да ги однесе сателитите наречени Трисат и Немо ХД.
Засега не се знае кога ќе биде следниот обид за лансирање на ракетата Вега од космодромот во Француска Гвајана.
Извршниот директор на Аријанаспејс Стефан Израел, изјави дека во последен момент се одлучил да не ризикува и да го откаже лансирањето, а причина се детектираните силни висински ветрови.
Инаку, словенечкиот сателит Трисат се развиваше неколку години, а во неговата изработка учествуваа студенти од Универзитетот во Марибор и стручњаци од приватната словенечка компанија „Скајлабс“ Сателитот тежи пет килограми и ќе орбитира околу земјата на височина од 530 километри. Во функција ќе биде околу шест години, а таму ќе биде со цел да се тестира работата на нано сателити во кои се вградени соларни панели. Ако тестирањето помине успешно тогаш овие панели кои се развиени во Словенија ќе се продаваат во целиот свет.
Првично ракетата со сателитите требаше да биде лансирана во март, но поради епидемијата на коронавирусот беше одложено за јуни.
Ново на Сител
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка
-
Тепачка на паркинг во Скопје
-
19-годишник повреден на работно место
-
Локализиран пожар во туристичката населба Абланица во Берово
-
Палестинската управа формира нова влада
-
Руски воени бродови впловија во Црвено Море