Лондонската полиција уапси 113 демонстранти
Британската полиција уапси 113 лица откако активисти против климатски промени блокираа неколку од најпознатите лондонски знаменитости меѓу кои Оксфорд Циркус, Марбл Арч и Ватерло Бриџ, во обид да ја принудат Владата да направи повеќе во борбата против климатските промени.
Протестите, кои ги предводи британската активистичка група „Бунт против истребување“, денеска целосно блокираа делови од центарот на Лондон, а некои демонстранти останаа на улиците и во текот на ноќта со цел денеска да продолжат со протестите.
„Бунт против истребување“, која месецов заврши на насловните страници на весниците по протестот на нејзините полуголи активисти во Долниот дом на Парламентот, бара од Владата да прогласи вонредна состојба во борбата за почиста животна средина и емисијата на гасови со ефект на стаклена градина до 2025 година да ја сведе на нула.
– Уапсени се вкупно 113 луѓе, од кои повеќето го прекршија членот 14 од Законот за јавен ред од 1986 година и предизвикаа прекин во градскиот сообраќај, соопшти лондонската полиција.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање