Лондон го испитува јавното мислење во Северна Ирска за Брегзит
Британскиот министер за Северна Ирска, Џејмс Брокеншир престојува во Белфаст во, како што е соопштено, „двонеделно испитување на ситуацијата“ во оваа британска покраина на ирскиот остров, по одлуката на Британците, Велика Британија да ја напушти ЕУ.
До крајот на август, Брокеншир ќе има бројни средби со претставници на локалниот бизнис, на политичките партии и лидерите на верските и етничките заедници.
Во Лондон, долгиот престој на еден министер во Северна Ирска, се објаснува со намерата на британската влада да го „слушне ставот“ во покраината пред започнувањето на преговороте со Брисел, околу раздружувањето на Британија и ЕУ.
- Велика Британија е земја со светла иднина, а Северна Ирска е важен дел од тоа, изјави министерот Брокеншир по пристигнувањето во Белфаст.
Изгласувањето Брегзит ги подели Северноирците и двете најголеми партии што ја сочинуваат заедничаката влада во покраината.
Демократската унионистичка партија (ДУП) на лојалистите се определи за напуштање на ЕУ, додека Шин Феин на републиканците, католици за останување на земјата во Унијата.
Оваа се-ирска партија предупреди на можноста од враќање на „сивите години„ во покраината исполнети со насилство, инсистирајќи дека нема да се дозволи одново да се постави граница меѓу Северот и Југот на островот
Незадоволство од исходот на референдумот изрази и владата на Република Ирска, во Даблин која ја доведе во прашање иднината на мировната спогодба од Велики петок, во април 1998 година.
Минатиот месец, во Лондон се одржа итна средба на новиот британски премиер Тереза Меј со ирскиот премиер Енда Кени, по која останаа резервите на официјален Даблин за одлуката за Брегзит и покрај уверувањето на Лондон дека владата има „практичен план„ за северноирскиот случај.
Премиерот Меј уверува дека нема да има враќање на мрачните времиња и на 30 годишните, северноирски „сиви години„ но Шин Феин порачуваат дека враќањето на гранична линија меѓу Северна Ирска и Републиката на југот, ќе значи покренување иницијатива за референдум за обединување на поделениот остров.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање