Локализиран пожарот во општина Зрновци
Пожарникарите од Кочанската територијална противпожарна единица, вработените од Шумското стопанство „Осогово“, екипи од Комуналното јавно претпријатие „Водна кула“ и жители од општина Зрновци по дванаесет часа го локализираа пожарот во општина Зрновци.
Градоначалникот на општина Зрновци Блаже Станков информира дека иако пожарот е локализиран, сепак екипи, пожарникари и вработени од КЈП „Водна кула“ од Зрновци ќе дежураат и ноќеска на теренот околу селото Видовиште.
Пожарот, како што рече, се движел со голема брзина и дошол до планинскиот пат кој води кон манастирот „Света Петка“ од каде било спречено неговото ширење кон срцето на планинатата Плачковица.
Според првичните проценки, во пожарот е зафатена нискостеблеста шума од смрека, борова и дабова шума на површина од околу 300 хектари.
Пожарот избувна претпладнево околу 7 часот во месноста Трнавца меѓу населените места Видовиште и Теранци во општина Зрновци, а е локализиран околу 19 часот.
Според очевидци кои први го забележале пожарот во месноста Трнавца кај каналот за наводнување меѓу селата Видовиште и Теранци се работи за пожар предизвикан од човечки фактор.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово