Лидерите на Г7 подготвени за помош на Бразил во борбата против пожарите во Амазонија
Лидерите на Г7 изјавија дека се подготвени да му помогнат на Бразил во борбата со пожарите што горат низ Амазонија и да ја поправат штетата, додека десетици илјади војници се спремаат да се вклучат во гаснењето.
„Сакаме да помогнеме на најдобри можни начини“, изјави Макрон.
Ангела Меркел додаде дека Германија и останатите земји ќе му понудат поддршка на Бразил во обновата на шумите во Амазонија откако пожарите ќе бидат изгаснати.
„Се разбира, тоа е бразилска територија, но овие дождовни шуми се глобално прашање. Белите дробови на целата Земја се погодени и мора да најдеме заеднички решенија“, изјави Меркел.
Израел, исто така, понуди да испрати специјализиран авион како помош во гаснењето.
Бразилскиот претседател Жаир Болсонаро во петокот објави дека 44.000 војници ќе бидат ангажирани во гаснењето на пожарите, кои во рекорден број избувнаа низ Бразил оваа година. Сателитските снимки на Бразилската вселенска агенција регистрирале 41.000 пожари само во Амазонија оваа година и експертите велат дека повеќето од нив се предизвикани од фармери кои расчистуваат земјиште за нови земјоделски површини, во што се охрабрени од новата политика на Болсонаро, кој сака да ја живне економијата во тој регион.
„Претседателот Болсонаро нареди детаљна истрага и подметнатите пожари ќе бидат сериозно казнети“, кажа министерот за правда Сержио Моро.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка