Лицата со мускулна дистрофија бараат поголема поддршка од државата

Поддршката од државата за лицата со мускулна дистрофија да биде многу поголема бараат од асоцијацијата мускулна дистрофија Македонија. Од таму велат,  проблемите со кои овие лица се соочуваат се големи, а поддршка скоро и да нема. Физикална терапија во домашни услови и стандардизирани помагала,  според асоцијацијата значително ќе го подобри секојдневието на децата  кои се соочуваат со овој проблем. Во моментов во светот не постои терапија за оваа болест, единствено што се препорачува е  физикална  терапија која за сега родителите сами ја организираат и плаќаат.

Единственото што овие лица го добиваат на сметка на фондот за здравство се одредени помагала, но според родителите тие не се стандардизирани .

Во моментов во државата има околу стотина деца кај кои е дијагностицирана мускулна дистрофија. Освен потребната терапија и помагала за нивно нормално функционирање потребна е и поголема пристапаност до иснституциите, но и интензивно работење за поголема инклузија.