Фудбал
24. February 2016 - 19:09

Легендарниот Шукур ќе лежи 4 години?!

Легендата на турскиот фудбал, Хакан Шукур си направи големи проблеми со властите во Турција откако  на својот Твитер профил го навредуваше претседателот на Турција, Реџеп Таип Ердоган. Иако  Шукур изјави дека немал намера со својот статус на Твитер да го навреди претседателот сепак обвинителството на Турција се оглуши на тоа и наскоро треба да биде подигнато обвинение против легендарниот турски напаѓач. 

Доколку легендарниот фудбалер биде прогласен за виновен може да мине дури четири години во затвор. Статусот е избришан од Твитер.
 
Оваа информација ги згрози светските медиуми кои ги критикуваа властите во Турција затоа што ја забрануваат слободата на говорот.
Во својата кариера Шукур одигра 112 меча за националниот тим и постигна 51 гол. Настапуваше за Галатасарај, Интер и Блекбурн. По крајот на кариерата Шукур во 2011. година влезе во политичките води.