Фудбал
7. May 2021 - 10:20

ЛЕ: Финале Виљареал-Манчестер Ј.

Вилјареал на Унаи Емери успеа да одигра 0:0 на гостувањето на „Емирати“ за да се пласира во финалето на Лига Европа, откако во првиот меч го совлада дома Арсенал со 2:1, за да спречи вкупна англиска доминација во европските финалиња, и сега ќе игра со Манчестер јунајтед во финалето во Гдањск, откако „ѓаволите“ загубија со 3:2 на гостувањето кај Рома, откако дома ја декласираа со 6:2.
 
Со оглед дека во финалето на Лигата на шампионите ќе играат Челси и Манчестер сити, Арсенал требаше да дојде до минимална 1:0 победа за да осигура и англиско финале во Лига Европа, но цврстиот тим на Вилјареал изддржа на гостувањето за прво европско финале во 98-годишната историја на шпанскиот клуб.
 
Многу поактивно беше на „Олимпико“, каде што Рома со 3:2 триумф се прости од европските натпреварувања, откако беше тешко да се верува дека може да се вратат по 2:6 понижувањето на „Олд Трафорд“. Единсон Кавани постигна два гола за Јунајтед, но тоа не беше доволно за победа, откако Един Џеко, Брајан Кристанте и Никола Залевски донесоа победа за Пауло Фонсека во еден од неговите последни мечеви на клупата на „волчицата“.
 
ЛИГА ЕВРОПА, 1/2 ФИНАЛЕ, 2.МЕЧ
 
Арсенал – Вилјареал 0:0, прв меч 1:2, вкупно 1:2
 
Рома – Манчестер јунајтед 3:2, прв меч 2:6, вкупно 5:8