Лавров во посета на САД
Рускиот министер за надворешни работи Сергеј Лавров ќе престојува во посета на САД од денеска до четврток и во таа прилика ќе се состане со американскиот државен секретар Рекс Тилерсон, на која ќе разговараат за кризата во Сирија, Украина, како и за билатералните прашања.
Состанокот на Лавров и Тилерсон е предвиден за утре во Вашингтон, соопшти Стејт департментот.
Тилерсон, на темата за Сирија, има намера со неговиот руски колега да разговара за напорите со цел намалување на насилството, пружање хуманитарна помош на сирискиот народ и овозможување на политичко решение за граѓанската војна што веќе шест години се одвива во земјата, најави Стејт департментот.
Кога станува збор за Украина, двете страни ќе разговараат за потребата да се запре насилството во источниот дел на земјата и да се реши судирот преку целосна примена на Минскиот договор, стои во соопштението.
Лавров и Тилерсон претходно се договорија да се состанат на 10 или 11 мај на Алјаска, во рамките на самитот за Арктикот.
Состанокот на рускиот министер за надворешни работи и државниот секретар на САД претставува навестување дека администрацијата на американскиот претседател Доналд Трамп работи на одржување отворени линии за комуникација за Сирија, каде Москва има значително влијание.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово