Лавров: Русија ќе инсистира на учество на Курдите во мировните преговори за Сирија во Женева
Русија цврсто ќе инсистира Курдите задолжително да бидат претставени на меѓусириските преговори во Женева, изјави рускиот министер за надворешни работи Сергеј Лавров, јави ТАСС.
Во интервју за руската телевизија Рен ТВ, Лавров рече дека во преговорите, кои почнуваат утре во Женева, задолжително треба да бидат вклучени Курдите во името на суверенитетот и територијалниот интегритет на Сирија.
Русија има информации дека Турција се обидува да се зацврсти на неколку стотини метри од границата внатре во Сирија, истакна во интервјуто рускиот дипломат.
- Настојувајќи да не се дозволи утврдување на курдските сили во Сирија, Турција почна да тврди дека има суверено право да создава некакви безбедносни зони на сириска територија, посочи Лавров.
- Според нашите податоци тие веќе се „вкопуваат“ на неколку стотини метри од границата внатре во Сирија, додаде тој.
Лавров исто така рече дека Русија е подготвена да ги координира активностите во Сирија со САД, за да може Рака да биде ослободена од „Исламска држава".
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација