Свет
31. August 2016 - 17:33

Лавров изрази загриженост од дејствијата на турските вооружени сили во северна Сирија

Турскиот министер за надворешни работи Мевљут Чавушоглу во телефонски разговор го информирал рускиот колега Сергеј Лавров за турската воена операција во Сирија, соопшти МНР во Анкара.

Лавров изразил загриженост поради дејствијата на турските вооружени сили и опозициските групи во северниот дел на Сирија, кои се поддржани од Анкара..

Чавушоглу истакнал дека е постигнат напредок од страна на сириската опозиција во борбата против ИД.

Двајцата министри, исто така, разговарале и за испраќањето на хуманитарна помош и напорите за наоѓање политичко решение во Сирија.