Лавров: Две сириски исламистички групи ќе учествуваат индивидуално во преговорите
Две сириски исламистички групи ќе учествуваат во мировните преговори за Сирија во Женева, но на индивидуална основа, изјави денеска рускиот министер за надворешни работи Сергеј Лавров на прес-конференција во Абу Даби.
Тој истакна дека е договорено Ахрар ал Шам (Исламско движење на слободните луѓе во Сирија) и Џаиш ал Ислам (Армија на исламот) да се вклучат во разговорите во швајцарскиот град.
Лавров нагласи дека двете исламистички сунитски фракции, поддржани од Саудиска Арабија, ќе треба, исто така, да ги исполнат сите барања на Резолуцијата 2254 на Советот за безбедност на ОН и категорично да се откажат од секаква екстремистичка дејност, како и да ја потврдат својата поддршка на зачувување на територијалниот интегритет на Сирија.
Спорот за состав на опозициската делегација, вклучувајќи ги и несогласувањата меѓу Русија и режимот во Дамаск против вклучувањето на определени фракции во неа, се главна причина за забавување на мировните преговори во Женева.
Шефот на руската дипломатија изрази надеж дека сириската опозиција ќе формира единствена делегација за разговорите во Женева.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок