Свет
29. December 2015 - 11:37

КЗН: Оваа година во светот убиени 69 новинари

Оваа година во светот се убиени 69 новинари, 28 од нив од исламистички групи како Ак каеда и Исламска држава, соопшти Комитетот за заштита на новинари.

Во 2014 година таа цифра била 61.

Во анализа Комитетот наведува дека две третини од случаите оваа година станува збор за планирани убиства. Најмногу убиени новинари оваа година има во Сирија – 13. По неа во мрачната статистика е Франција – деветмина. Бројот на убиени новинари во Ирак, Бразил, Бангладеш, Јужен Судан и Јемен оваа година е зголемен – во секоја од нив има по најмалку петмина жртви.

Франција за првпат е во врвот на тој список – во јаннуари во напад врз сатиричното списание Шарли Ебдо.

Репортери без граници соопштија дека оваа гоидна се убиени 27 блогери и седум соработници на медиумите. Според нив, 43 случаи на убиства на новинари останува неразјаснет.