Кузнецова спаси меч топка

Светлана Кузнецова и Каролина Плишкова ги забележаа првите победи во „црвената група“ на женскиот Мастерс што се игра во Сингапур. Двата меча од вториот ден од оваа група завршија по три сета игра.

Плишкова ја победи Гарбине Мугуруза со 2-1 во сетови (6:2; 6:7(4:7) и 7:5) откако успеа да направи пресврт во третиот сет и по предноста на Мугуруза од 5:2 имаше серија од пет освоени гемови и го доби мечот. Кузнецова беше поуспешна од ланската победничка на Мастерсот Агнешка Радванска со 2-1 во сртови (7:5; 1:6 и 7:5), а во третиот сет успеа да спаси и меч топка на сервис на ривалката.

Во рамките на „белата група“ победи на вчерашните мечеви во 1.коло постигнаа Анжелик Кербер и Симона Халеп против Доминка Цибулкова односно Медисон Кејс.