Курти: Одлуката на Советот на ЕУ е неправда кон Албанија и Северна Македонија
Лидерот на Движењето „Самоопределување“ Албин Курти, од Тирана ја коментираше негативната одлука на Европскиот совет, да не се даде датум за започнување на преговори со Албанија и Северна Македонија.
Според него, нанесена е неправда кон овие две земји, како и што е и недавањето визна либерализација за граѓаните на Косово.
-Косово и Албанија треба да соработуваат повеќе. Проблемот на Балканот, на овие шест земји сè уште не интегрирани во ЕУ, е дека Косово сè уште нема визна либерализација, другите земји ги имаат. Мислам дека е неправедно што Република Албанија и Северна Македонија не ги започнуваат преговорите за пристапување, тоа ним им припаѓа тие го заслужија тоа, изјави Курти по прославата на победата на неговата партија органзирана во Тирана.
Коментирајќи ја средбата во Нови Сад на премиерите на Албанија и на Северна Македонија, Еди Рама и Зоран Заев и претседателот на Србија, Александар Вучќ, за формирање балкански „минишенген“, идниот премиер на Косово, Албин Курти, ја упати пораката: Внимавајте со Србија!
-Мислам дека треба да бидеме внимателни во односите со Србија, затоа што знаеме што им направи на Албанците од една страна, а познато е дека пред три години се обиде да предизвика државен удар во Северна Македонија, пуч со помош на Русија, но не успеа, рече Курти.
Ново на Сител
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти
-
„Гугл мапс“ ќе може да го посочува најблискиот полнач за електромобили