Курти: Нема враќање на работа со политички повик, Србите да аплицираат на конкурси
Косовскиот премиер, Албин Курти изјави дека Србите кои на почетокот на месецов поднесоа оставки од државните и локалните институции, а кои сакаат да се вратат на нивните работни места, треба тоа да го сторат со аплицирање на конкурси за вработување, јави дописникот на МИА од Приштина.
Одговарајќи на барањето на лидерот на опозициската Алијанса за иднината на Косово, Рамуш Харадинај за започнување дијалог за враќање на Србите на работа, Курти денеска во Собранието изјави дека нивното повлекување од институциите е направено на политички начин и затоа враќањето не може да се изврши со политички повик, туку по професионален пат.
– Нивните оставки беа политички. Секое писмо на оставка го имаше истиот текст. Сите поднесоа оставки од морални причини. Таму каде што има вакуум треба да има нови аплицирања. Секој што сака едно работно место треба да аплицира на професионален начин, порача Курти.
Косовските Срби ги напуштија институциите поради најавата на официјална Приштина дека ќе ги казнува тие што нема да ги заменат регистарските таблички издадени од Србија со косовски таблички. На барање на меѓународниот фактор, пред сè на американскиот амбасадор во земјата, Џефри Ховениер, Владата на Курти минатата недела се откажа од изрекувањето парични казни, со тоа што Белград се заложи дека нема веќе да ги опремува возилата во северно Косово со таблички со српски акроними на косовските градови.
Во Собранието на Косово денеска се расправа за интерпелацијата поднесена од опозицијата за Курти и за неговото справување со ситуацијата во земјата предизвикана од кризата со табличките.
Ново на Сител
-
Двојна предност на Силјановска пред Пендаровски од 50,3% обработени гласа
-
ДИК: 46,36% oбработени
-
ВМРО-ДПМНЕ: Обработени 13,44% од гласовите - Силјановска Давкова 109.692, Пендаровски 48.553
-
Тошковски и Бојмацалиев: Граѓаните гласаа за избор на Претседател на државата, во мирна, безбедна и демократска атмосфера
-
ВМРО-ДПМНЕ: Од обработени 8,21% Силјановска Давкова 66.482, Пендаровски 28.490
-
Ѓорчев: На 15% на ниво на Македонија Силјановска Давкова 43.466, Пендаровски 18.213
-
ЈО: До затворање на избирачките места не е пристигната ниту една пријава за кривично дело поврзано со изборите
-
Три случаи на фотографирање и два случаи на кинење на гласачкото ливче, соопштува МВР