Курц сака во Австрија да се произведуваат и кинески и руски вакцини
Австрискиот канцелар Себастијан Курц смета дека Европската агенција за лекови (ЕМА) треба да ги провери и руските и кинеските вакцини и изјави дека самиот ќе биде подготвен да се вакцинира со овие вакцини.
Канцеларот за германскиот весник „Велт ам Зонтаг“ истакна дека, откако двете вакцини ќе бидат одобрени, ќе се обиде австриските капацитети да ги направи достапни за производство на руски и кинески вакцини.
-Станува збор за тоа што е можно побрзо да се обезбедат побезбедни вакцини, без разлика кој ги развил, објасни Курц. Тој истакна дека за ова прашање не треба да постојат геополитички табуа.
Канцеларот додаде дека, доколку овие вакцини бидат одобрени, тој ќе биде подготвен да се вакцинира со „Спутник V“ или кинеската вакцина.
-Најважното нешто за вакцините е тие да делуваат, да се безбедни и брзо достапни и за нив не е потребна геополитичка борба, подвлече Курц.
За сегашниот недостиг на вакцини во ЕУ, тој ги обвини проблемите со испораката и брзината на одобрување.
Ново на Сител
-
Трет ден потрага по Данка, проверка на базните станици и телефоните на родителите
-
Хрватска: Наполитанки Кит Кат повлечени од пазарот
-
Две лица се приведени за убиството на лекарот во Железара
-
Се финализираат коалициите пред почетокот на кампањата за претседател следната недела
-
Во Собранието последна нова седница во овој парламентарен состав
-
Путин: Во Европа го плашат народот дека ќе ги нападнеме, сакаат да им ги земат парите
-
Четворица убиени, петмина избодени во напад во Илиноис
-
Руските сили гранатираа 17 населени места во областа Херсон, две лица загинаа