Курц: Австрија ќе ги блокира натамошните преговори на Турција за приклучување во ЕУ
Австрија ќе го блокира продолжувањето на преговорите со Турција за нејзино приклучување кон ЕУ, изјави денеска австрискиот министер за надворешни работи, Себастијан Курц, истакнувајќи ги прекршувањата на човековите права во оваа земја, пренесе ДПА.
Министрите за надворешни работи од земјите на ЕУ се очекува во вторник во Брисел да одлучат како ќе дејствуават за ова прашање, а одлуката треба да се донесе едногласно.
-Европската Унија треба да ги прекине преговорите со Турција за членство во ЕУ, рече Курц за австриската агенција АПА.
„Луѓето со различно мислење се под закана, опозициските политичари се приведувани, се планира воведување смртна казна. Имаме потреба од јасна реакција од страна на Европската Унија“, соопшти Курц.
Тој додаде дека за својата позиција имал тесна координација со Бугарија и Холандија.
ЕУ не треба да стравува дека замрзнувањето на преговорите ќе значи и крај на спогодбата за мигрантите со Турција, посочи Курц.
-Доколку на Турција и дозволиме да прави се што ќе посака заради спогодбата за бегалците, ќе станеме опасно зависни од Турција, додаде австрискиот шеф на дипломатијата.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање