Куп на Македонија: Очекувани победи на Силекс, Работнички и Шкендија, само реми на Вардар

Екипите на Силекс, Работнички и Шкендија забележаа очекувани победи во првите осминафинални дуели од фудбалскиот Куп на Македонија, додека Вардар одигра „реми„ против Македонија Ѓорче Петров. 

 

Силекс на гостувањето во Автокоманда кај Скопје славеше со 2-0, а со ист резултат бранителот на трофејот Шкендија пред својата публика го совлада тимот на Кит Го. 

 

Работнички иако од 58.минута имаше играч помалку на гостувањето кај Тиквеш, сепак успеа да слави со 1-0. 

 

Затоа пак Вардар не ја оправда улогата на фаворит во дуелот со Македонија Ѓ.П. против која одигра нерешено 1-1. 

 

Најубедливата победа ја оствари Академија Пандев која во Штип ја победи Брегалница со 6-2. 

 

Гостински победи забележаа и Беласица против Пелистер со 2-0, и прилепска Победа над Гостивар со 2-1. 

 

 

Слободна во оваа рунда беше екипата на Кораби. 

 

Реванш дуелите на програмата се на 3 октомври