-->
-->
Куп: МЗТ Скопје - Карпош Соколи во финалето
-->
Двете најдобропласирани екипи во Првата кошаркарскалига, шампионот МЗТ Скопје Аеродром и тимот на Карпош Соколи ќе се борат за трофејот во 24. издание на Купот на Македонија.
За МЗТ Скопје ова ќе биде 12. финале во кое ќе го брка осмиот трофеј, додека Карпош Соколи ќе го игра првото финале во националниот куп.
Синоќа во второто полуфинале, шампионот од Аеродром го победи домаќинот Кожув со 72:62.
И покрај големата поддршка од полната сала „26 Април“, Кожув немаше сили за изненадување. Избраниците на тренерот Марјан Илиевски по одличната игра посебно во одбраната во првите дваесет минути, во третиот период имаа пад во играта во нападот, постигнаа само осум, а примија 14 кошеви, што беше решавачко за конечниот исход на полуфиналето. Искусните кошаркари на МЗТ Скопје го искористија заморот на противникот и пократката клупа на Кожув и на крајот обезбедија сигурна победа за ново финале.
Пет кошаркари на МЗТ Скопје постигнаа двоцифрен број на поени, Марко Луковиќ со 12 беше првиот стрелец веднаш до него беа Дамјан Стојановски, Ѓорѓе Дреновац и Марко Љубичиќ со 11, Данило Мијатовиќ реализира 10 поени.
Најефикасни во домашниот тим беа Брендон Пен со 21 и Алексеј Нешовиќ со 20 постигнати поени.
Претходно, во првото полуфинале Карпош Соколи го совлада Куманово со 71:69.
Финалето е закажано за 19 часот и 30 минути.
Четири часа претходно (15:30) ќе стартува финалната пресметка кај дамите меѓу Бадел 1862 и Лотос.
фото: www.basketball.org.mk
-->
-->
-->
Ново на Сител
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.
-
Г-7 одлучни да ја засилат ПВО на Украина
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО