Куќа на спортот во Македонска Каменица
Во Македонска Каменица денеска е пуштена во употреба Куќата на спортот.
Објектот вреден 18 милиони денари, е инвестиција на Општината. Располага со современи соблекувални, сала за состаноци, простории за технички персонал, фитнес центар и канцелариски простории.
Според градоначалникот Дарко Митевски, проектот е на барање на сите спортисти, посебно на фудбалерите.
- Фудбалерите немаа никакви услови за тренирање, старите соблекувални беа продадени. Последниов период работевме за да овозможиме услови не само за нив, туку и за другите спортски клубови. Очекуваме со оваа инвестиција да се развива и фудбалот како спорт, а ФК „Каменица Саса“ да влезе во Втората фудбалска лига, рече Митевски.
Место во Куќата на спортот, додаде, ќе имаат сите спортски клубови што ќе значи нов предизвик за развој на спортот во општината.
Изведувач на проектот е фирмата „Хит градба Еуростил“ од Македонска Каменица.
Опремата во фитнес центарот вредна 30.000 евра е на РОЦ Саса. Максим Прохоров, директор на инвестиции во РОЦ Саса, потенцираше дека РОЦ Саса, како општествено одговорна фирма, донираше за Куќата на спортот со цел развој на спортот во општината.
- Кога ја добивме иницијативата од Општина Македонска Каменица, одлучивме да инвестираме во опрема на фитнес центарот и со тоа да ги поддржиме сите љубители на спортот, да придонесеме за развој на спортот и здрав живот за младите, рече Прохоров.
По повод отворањето на Куќата на спортот, ветераните од ФК „Каменица- Саса“ и ФК „Вардар“ одиграа ревијален фудбалски натпревар, најавувајќи нова почеток на спортот во Македонска Каменица.
Ново на Сител
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ