КУД „7 Септември“ најуспешни на Фестивалот „Пеце Атанасовски“
Културно уметничкото друштво „7 Септември“ од Македонски Брод ја доби Гран при наградата на 42 Фестивал на народни инструменти и песни „Пеце Атанасовски“ кој синоќа заврши во Долнени.
Гајдата на Пеце Атанасовски која ја доделува општина Долнени на најдобар странски изведувач, му припадна на гајдаџијата Александар Ѓорѓевиќ од Грделица, Република Србија.
Фестивалското жири во состав Захаринка Милосављевиќ, музиколог и етномузиколозите Родна Верличковска и Илчо Јованов специјална награда за негување и афирмација на традиционалната музика му доделија на ансамблот „Македонија“, а Фолклорниот ансамбл „Павете“ од Вороњеж, Русија ја понесе наградата за најуспешен настап на странска група на Фестивалот.
Со доделување на наградите синоќа во Долнени заврши 42 Фестивал на народни инструменти и песни „Пеце Атанасовски“. Втората фестивалска вечер поради дождот не се одржа на Рудина кај Долнени, туку во општинската сала во Долнени.
Во двете фестивалски вечери, во петокот во Прилеп и синоќа во Долнени, настапија околу 350 изведувачи на изворен мелос од цела Македонија и од Србија, Русија, Бугарија и од Австралија. Во рамките на Фестивалот, трет пат, се одржа семинарот за изучување на народните инструменти и песни на кој на 30 учесници од Македонија, Русија и Србија еминентни етномузиколози им ги објснуваа карактеристиките на богатиот изворен македонски мелос.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.