Ктиторите на манастирот Св.Троица во село Петралица в недела повикуваат на голем собор
Во недела на 4 јуни, според православната црква се празнува Света Троица, а ктиторите од манастирот посветен на овој голем празник во село Петралица, Ранковце, ги повикуваат верниците на голем собор во храмот.
Манастирот се наоѓа во живописната и недопрена природа на село Петралица, а е изграден со донација на семејствата Каранфиловски и Јакимовски.
- Храмот е изграден на местото викано Кутлев крст, а со дозвола од Кумановско - Осоговскиот митрополит г. Јосиф и месната заедница ова место служело за годишни собири на месното население. Одржувањето било прекинато речиси една деценија. Ние потекнуваме од овој крај, па решивме да изградиме храм овде и повторно да го заживееме местото. Во 2014 година беа осветени темелите, за да неполна година подоцна во 2015 година, биде изграден храмот. Неодамна е поставен нов иконостас, длабокорез идентичен со Бигорскиот манастир, се градат конаци, сместувачки капацитети и придружни градби, со автентичен камен од ова поднебје, изјави Страшо Каранфиловски, еден од ктитортите на манасторот.
Неодминливата убавина на пределот е импресивна и го прави местото невообичаено привлечно, во која било доба од годината. Ктиторите планираат во манастирот да живеат монахињи.
- Храмот е изграден во чест на претците и полека но сигурно му го враќа некогашниот сјај на ова место, кое посетено од верници во текот на сите 365 дена, повторно заживува. Портите на манастирот се отворени за сите верници и добронамерници, а во пресрет на празникот ги покануваме верниците од сите краеви на земјава заеднички да го славиме Бога на големиот црковно-народен собир на 4 јуни 2017 година, додаде Каранфиловски.
Ново на Сител
-
Доживотен затвор за Усеин Р. кој со 42 убоди од нож ја уби Танкица Младеновска од Кочани
-
Училиштата каде што ќе се гласа на изборите, на 23 април и 7 мај ќе работат до 11 часот
-
„Сакаме да јадеме нешто“: Илјадници патници заробени на аеродромот во Дубаи
-
Во поплавите во Пакистан и во Авганистан загинаа приближно 140 луѓе
-
Одреден притвор за заменик директорот на косовската полиција, останатите полицајци ослободени
-
Битолчанец со воздушна пушка од својот балкон пукал кон куче скитник
-
Петмесечно бебе со пертусис хоспитализирано во прилепската болница
-
Во Велес исчезна 56-годишен маж