КСС апелира да се почитуваат мерките за заштита на работниците кои работат на отворено
По најавата од Управата за хидрометеоролошки работи дека се очекуваат исклучително топли денови со температури до 41 степен, Конфедерацијата на слободни синдикати на Македонија (КСС) порачува да се почитуваат мерките и препораките за заштита на работниците кои работат на отворено, како што се градежните работници, земјоделци, градинари, работници во сообраќај, работници кои изведуваат теренска работа, продавачи на отворени пазари, пожарникари, полицајци, војници, како и оние кои работат на работни места кои се со ризик од изложеност на високи температури.
Од КСС во денешното соопштение наведуваат дека согласно Законот за безбедност и здравје при работа треба да се обезбедат соодветни услови за работа кои нема да го загрозат животот и здравјето на работниците.
КСС препорачува избегнување работа на отворено во период од 11:00 до 17:00 часот, редуцирање на тешката физичка работа, почести паузи, и посебна внимателност со постари работници, хронично болни, бремени жени итн.
КСС исто така потсетува, фирмите кои ќе работат за време на празник да им исплатат на работниците дневница повисока за 50 отсто.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка