Свет
8. October 2015 - 9:21

Крвава свадба во Јемен со 13 загинати и 38 повредени

Најмалку 13 луѓе загинаа и 38 се ранети во бомбашки напад што се случил за време на венчавка во куќа во Санбан, град под контрола на бунтовничките сили јужно од Сана.

Санбан се наоѓа во провинцијата Дамар на околу 100 километри јужно од Сана.

Сведоци на трагедијата ја обвинуваат коалицијата предводена од Саудиска Арабија.

– Авиони на коалицијата го извршија нападот. Куќата е целосно уништена. Пред нападот се слушнаа авиони, изјави очевидец. Минатиот месец најмалку 130 луѓе загинаа за време на свадба во удар од воздух за кој постои сомневање дека го извршиле коалициските сили.