Крвав викенд во Скопје, потешко повредени две лица
За време на викендот во Скопје се случиле 20 сообраќајни незгоди во кои со потешки повреди се здобиле две лица, а полесно биле повредени девет учесници во сообраќајот.
Со материјална штета се евидентирани 11 сообраќајни незгоди.
Сообраќајната полиција во петокот извршила увид на 11 сообраќајни незгоди од кои во пет е причинета материјална штета, а во четири полесно се повредени четири лица. Се случиле и две незгоди во кои потешко се повредени еден пешак и еден сопатник во патничко моторно возило, а со телесни повреди се здобил и еден возач на патничко возило.
Како што информира за МИА самостојниот инспектор Драган Вељановски, во саботата извршен е увид на вкупно пет сообраќајни незгоди, од кои четири се со последица материјална штета и една е со последица телесна повреда, во која со полесни повреди се здобиле две лица.
Вчера е извршен увид на вкупно четири сообраќајни незгоди, од кои две се со причинета материјална штета, а во две со полесни повреди се здобиле две лица.
Во текот на изминатите три дена санкционирани се и 75 возачи кои возеле над дозволеното, 17 возачи кои возеле под дејство на алкохол, тројца возачи кои поминале на црвено светло и уште седум возачи почетници кои сториле прекршоци по разни основи.
Затекнати се и шест возачи на велосипед со мотор, мопед и мотоцикл кои не носеле заштитен шлем.
Со помош на специјалното возило пајак отстранети се 78 возила кои во поголема мера го попречувале нормалното одвивање како на пешачкиот, така и на моторниот сообраќај.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари