Македонија
16. May 2017 - 9:36

Крв на скопските улици, две лица тешко повредени

Двајца сопатници се потешко повредени, а со телесни повреди се здобиле возач и сопатник во две од вкупно 10 сообраќајни несреќи што се случиле во изминатите 24 часа на подрачјето на СВР Скопје. Во една сообраќајка полесно се повредени две лица, а во седум е причинета материјална штета.

Полицијата вчера презела казнени мерки поради поголем број прекршоци кај 20 возачи  кои се движеле со брзина поголема од дозволената, тројца возачи го управувале возилото под дејство на алкохол и се исклучени од сообраќај, седум возачи за време на управување на моторното возило го користеле мобилниот телефон, како и кај 11 возачи кои го управувале возилото без возачка дозвола, односно нерегистрирано. Санкционирани се четворица возачи на велосипед со мотор, мопед и мотоцикл кои за време на возење на пат не носеле заштитен шлем на глава. Затекнати се и 18 непрописно паркирани возила.

Со помош на специјалното возило „пајак“, отстранети биле 43 возила.

Во рамки на сообраќајно воспитната акција „Да ги заштитиме децата во сообраќајот“, Одделението за превенција ќе реализира едукативни работилници со ученици од второ одделение во ООУ „Рајко Жинзифов“ кое се наоѓа на подрачјето на општина Кисела вода.