Македонија
24. November 2020 - 12:30

Кривични пријави за две лица од струшко за вршење такси превоз без лиценца

Две лица од струшкото село Радолишта добија кривични пријави поради вршење јавен превоз без лиценца.

СВР Охрид соопшти дека при контрола на полициски службеници за безбедност во патниот сообраќај З.М.(59) и С.Г.(44) биле затекнати при превоз на патници без да поседуваат лиценца за вршење на општински такси превоз на патници во внатрешниот патен сообраќај.

– ОВР Струга поднесе кривична пријава против З.М.(59) и С.Г.(44), двајцата од струшкото село Радолишта, поради постоење основи на сомнение за сторено кривично дело „вршење јавен превоз без поседување лиценца“. При контрола на 20 октомври годинава на улицата „Маршал Тито“ во Струга, полициските службеници ги затекнале при превоз на патници, и тоа првопријавениот со такси возило „Мерцедес“, а второпријавениот со такси возило „Сеат“, без да поседуваат лиценца за вршење на општински такси превоз на патници во внатрешниот патен сообраќај, појасни портпаролот на СВР Охрид Стефан Димоски.