Македонија
12. August 2020 - 17:53

Кривична за маж од Неготино - се претставувал како медицинско лице за да прибави противправна имотна корист

ОВР Неготино поднесе кривична пријава против З.Ѓ.(46) од Неготино, поради постоење основи на сомнение за сторено кривично дело „надрилекарство“.

Со намера да прибави противправна имотна корист, без пропишана стручна подготовка од надлежен државен орган, З.Ѓ. од 2015 до 18 октовмри 2019 година се претставувал како поранешно медицинско лице и се занимавал со лекување и давање медицинска помош преку продажба на т.н. лекарства за повеќе болести кај луѓето. За лекарствата, кои биле во форма на течности и креми, наплаќал по 5.000 – 6.000 денари. На 18.10.2019 полициски службеници извршиле претрес во неговиот дом при што биле пронајдени и одземени предмети поврзани со кривичното дело за кое се сомничи.