Кривична пријава за стружанец за тешки кражби
Полициската станица од Струга поднесе кривична пријава против С.М.(30) од струшкото село Лабуништа поради постоење основи на сомнение за сторени две казнени дела „тешка кражба“.
Како што информира портпаролот на СВР Охрид Стефан Димоски, првата тешка кражба пријавениот ја извршил на 29-ти минатиот месец во 21 часот и 30 минути, кога со својот патнички автомобил „Ауди“ со струшки регистарски ознаки стигнал во населбата Езерски лозја.
- Тој успеал да се искачи на балконот од првиот кат на една куќа и со подесен предмет и физичка сила ја отворил балконската врата, по што влегол внатре. Откако извршил пребарување низ собите, пријавениот пронашол и бесправно одзел еден машки рачен часовник марка „Ролекс“ и поголема количина златни прстени и други златни предмети, рече Димоски.
На втори овој месец, околу 18 часот, пријавениот С.М. со својот автомобил се упатил кон селото Мислешево и се паркирал во близина на една куќа.
- Тука ја прескокнал жичаната ограда од задната страна на куќата и со подесен тврд предмет, насилно ја отворил вратата. Во куќата, С.М извршил брзо пребарување по што од спалната соба одзел златни белегзии, еден паричник, парфеми и други поситни предмети, рече Димоски.
Од извршените кривични дела и бесправно одземените златни и други предмети, пријавениот С.М. предизвикал материјална штета и се стекнал со противправна имотна корист од над 60.000 денари. При извршен преглед во неговиот патнички автомобил, полициските службеници пронашле и одзеле дел од бесправно одземениот златен накит.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица