Кривична пријава против скопјанец за узурпација на недвижности и бесправно градење
Министерството за внатрешни работи соопшти дека поднело кривична пријава против скопјанец под сомнеж за узурпација на недвижности и бесправно градење.
– СВР Скопје – Единица за економски и компјутерски криминал поднесе кривична пријава против лицето Р.М., на возраст од 32 години, поради постоење основи на сомнение за сторени кривични дела „узурпација на недвижности” по член 225 и „бесправно градење” по член 244-а од Кривичниот законик. Пријавениот во текот на годинава, на катастарска парцела на место викано „Ветерник“ во село Кондово, скопско, узурпирал плодно земјиште во сопственост на Република Северна Македонија и со намера да го стави во свое владение, го употребил за изградба на објект од тврда градба без да поседува одобрение за градење, издадено од надлежен орган, согласно член 56 став 1 од Законот за градење, појаснија од Министерството.
Притоа, како што наведуваат оттаму, тој извршил и нелегално сечење на дрвна маса околу узурпираниот простор на површина од 500 квадратни метри, со што неповратно ги уништил природните својства на просторот.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња