Кривична и притвор за двајца дилери на дрога во Неготино
Кривична пријава и притвор заработија двајца дилери на дрога во Неготино. Пред еден месец двајцата излегле од затвор и веднаш почнале да „дилаат“.
Како што соопшти МВР, одделението за внатрешни работи Неготино поднесе кривична пријава против А.Т.(42) од Неготино и М.А.(29) од село Корешница, демиркаписко, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурсори“.
-На 20 февруари 2020 година во периодот од 11:30 до 13:30 часот, врз основа на судска наредба, бил извршен претрес во домот на А.Т. во Неготино, при што биле пронајдени кокаин и хероин, кои биле спакувани за улична продажба. Додека, во периодот од 14:15 и 15:30 часот бил извршен претрес во домот М.А.во село Корешница, при што биле пронајдени марихуана и амфетамин, кои биле спакувани за улична продажба, се наведува во полициското соопштение.
Веднаш потоа, лицата биле приведени во полициска станица, а судија на претходна постапка им одредил притвор во траење од 30 дена.
Според МВР, двете лица се познати дилери на дрога на подрачјето на Неготино и повеќе пати издржувале затворски казни за недозволена трговија со дрога. Пред еден месец и двајцата излегле од затвор и веднаш продолжиле со улична продажба на дрога.
Ново на Сител
-
Утре повеќе села и населби ќе останат без струја во Скопје
-
Бајден го потпиша законот за 61 милијарда долари воена помош за Украина
-
Бајден го потпиша законот за ТикТок
-
ДИК: Првичните неофицијални резултати ДИК ќе ги соопшти околу полноќ
-
Дачиќ: Потезите на Словенија ги нарушуваат односите
-
Најголема излезност во Карпош: Пресек на излезеноста во скопските општини до 17 часот
-
Во Општина Тетово до 17 часот гласале 34.466 луѓе или 40,53 отсто од вкупниот број гласачи
-
Хамас објави видео од израелско-американски заложник