Македонија
15. December 2015 - 13:00

Крива Паланка ќе гради пат до Езерцето Калин Камен

Советниците од Советот на општина крива Паланка донесоа одлука за кофинансирање на проект за изградба на општински пристапен пат „Ловечка куќа“ – Езерце Калин Камен во должина од 1104 метри.
 
- За реализација на проектот локалната самоуправа на општина Крива Паланка ќе учествува со средства од буџетот за 2016 во износ од околу 1.2 милиони денари со ДДВ како партнер на Центарот за развој на Североисточен плански регион, согласно програмата за Регионален развој на Министерството за локална самоуправа на Република Македонија, Биро за Регионален развој на РМ за следната година-информира градоначалникот на Крива Паланка, Арсенчо Алексовски.
 
Со овој пат, додаде тој, комплетно ќе се уреди пристапот во Езерцето Калин Камен со модерна асфалтна инфраструктура.
 
- Овој пат ќе биде надоврзување на патот во должина од два километри кој ќе се гради со средства од Севериосточниот плански регион, со што комплетно ќе биде речен пристапот до езерцето. Преку бирото за Регионален развој за сите региони се обезбедени околу 570 милиони евра, од кои преку Североисточнниот плански регион на општина Крива Паланка и беа доделени 86.000 евра, рече Алексовски.
 
Тој истакна дека ова ќе придонесе за дополнителен развој на туризмот во Крива Паланка и за подобрување и збогатување на туристичката понуда на општината.