Македонија
23. February 2016 - 14:19

Кражба во казино во Струга

На 22.02.2016 година околу 04:10 часот во Струга на ул.„Кеј 13-ти Ноември“ во казино „Тhe Slots“ непознат сторител извршил тешка кражба при што од касата одзел 194.367 денари.

Како што соопшти МВР, сторителот со алат ја отворил влезната врата од помошната просторија, потоа се упатил кон главниот влез каде се разминал со вработените, влегол внатре и од касата ги одзел парите.

Се преземаат мерки за пронаоѓање на сторителот и за целосно расчистување на случајот.