Кралицата Елизабета ќе ја претстави програмата на новата влада во Британија
Кралицата Елизабета Втора денеска ќе ја претстави програмата на новата конзервативна влада по убедливата победа на Борис Џонсон на предвремените избори на 12 декември.
Програмата вклучува прифаќање на законодавството за излез на Велика Британија од ЕУ на 31 јануари.
Со традиционалниот говор кралицата Елизабета ќе ја објави програмата на владата на Борис Џонсон, која содржи повеќе од 20 законски акти. Таа нема да биде облечена церемонијално и постапката ќе биде скратена.
Програмата, покрај договорот за Брегзит, предвидува мерки за обезбедување дополнително финансирање за здравствена заштита и подолги казни за опасните криминалци. Амбициозната програма содржи уште подлабоки реформи кои влијаат на образованието и инфраструктурата.
Борис Џонсон најави дека сака да ја обедини земјата. Тој има мнозинство од 80 гласови во Долниот дом. По церемонијата, од пратениците ќе биде побарано веднаш да започнат со ратификување на договорот за Брегзит.
Првата дебата и гласањето се очекуваат утре, по што Парламентот ќе се распушти за божиќните празници.
Ново на Сител
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија