Живот
28. јуни 2016 - 11:17

Кралицата Елизабета: Јас сум се уште жива

Британската кралица Елизабета Втора се пошегува во текот на дводневната посета на Северна Ирска кога на прашањето на заменикот прв министер на Северна Ирска, Мартин Мек Гинис „дали е добро“, таа одговори -  „јас сум се уште жива“.

- Јас сум се уште жива, во секој случај, одговори кралциата со насмевка, додека се поздравуваше со Мек Гинис во текот на нејзиното прво појавување откако граѓаните на Велика Бритнаија гласаа на референдумот за излез од ЕУ.

- Ние бевме многу ангажирани. Многу работи се случија, додаде британската кралица во Северна Ирска чии гласачи гласаа за останување во ЕУ.

Не е познато дали нејзините коментари се однесуваа на политичките случувања во Британија или на двете неодамнешни прослави на нејзииот 90-ти роденден.