КПТ: Македонија да воспостави професионална затворска служба и да ги подобри условите во затворите
Македонија треба да воспостави професионална затворска служба, ефекасен надзор на управувањето во затворите и да обезбеди подобри услови за лицата задржани во затворите Идризово и Скопје, се наведува во извештајот на Европскиот комитет за спречување на тортурата и на нехуман и деградирачки третман или казнување (КПТ) за 2020 година, посветен и на ад хок посетата на негова делегација на земјава.
– Ад хок посетата на Македонија во декември се фокусираше на третманот и затворските услови за лицата што се наоѓаат во затворите Идризово и Скопје. Целта беше, исто така, да се процени напредокот постигнат по периодичната посета на Комитетот во декември 2019 година. Делегацијата ги посети и полициските станици Бит Пазар, Гази Баба, Карпош и Кисела Вода во Скопје, се наведува во извештајот на ова тело на Советот на Европа.
Како што јави дописникот на МИА, Комитетот посочува дека го интензивирал својот постојан дијалог преку разговори на високо ниво, при што на 9 декември минатата година негова делегација разговарала со премиерот и министерот за правда.
– Дискусијата ја истакна потребата за професионална затворска служба со јасни упатства и ефикасен надзор врз тоа како таа да се раководи. Исто така, беше препознаено дека Министерството за здравство треба да инвестира повеќе во подобрувањето на здравствената заштита што им се дава на затворените лица. Се дискутираше и за неопходните мерки за обезбедување на подобри услови за затворениците во затворите во Идризово и Скопје и за воспоставување режим на стимулација, се посочува во извештајот.
Според Комитетот, работите се движат цело време во позитивна насока, но се уште има „сериозни прашања за решавање“.
– Разговорите на високо ниво, во кој е вклучен премиерот на Македонија, ги покажува заложбите на властите на Македонија да се вклучат и да ги имплементираа препораките на Комитетот, нагласи претседателот на КПТ, Алан Мичел.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово