Кошарка
3. December 2015 - 10:34

Кожув домаќин на МЗТ Скопје

Вечерва од 19 часот во Гевгелија се игра дерби натпревар од 10 коло во Првата македонска кошаркарска лига, Кожув го пречекува бранителот на титулата МЗТ Скопје Аеродром. Поради обврските на Кожув во БИБЛ лигата овој натпревар наместо на 12 декември ќе се одигра вечерва во Гевгелија со почеток од 19 часот. 

 
Домаќините со низа од четири триумфи во првенството го очекуваат актуелниот шампион МЗТ Скопје Аеродором, кој евидентнот е во играчка и резултатска криза посебно во АБА лигата каде се без победа на последните пет средби. За избраниците на Кукулекидис ова е уште еден предизвик бидејќи на гости им доаѓа тимот кој првиот и засега единствен пораз во домашниот шампионат го претрпе во 2 коло на гостувањето во Куманово. Гевгеличани со доаќањето на Кукулекидис на кормилото од натпревар во натпревар играат се подобро и покажаа дека можат да го победат секој противник во Првата лига посебно на домашен терен.