Ковачевски не прифаќа, Мицкоски бара да се слушне народот преку референдум
Владејачката СДСМ не прифаќа референдум за францускиот предлог за почеток на преговорите и билатералниот протокол со Софија, дециден е премиерот и лидер на СДСМ Димитар Ковачевски. Тој на понудената опција од Мицкоски власта и опозицијата заедно да го одредуваат референдумското прашање повтори дека референдумот е само за внатрешна употреба на ВМРО-ДПМНЕ.
Ковачевски ги повика и пратениците во парламентот да ги изласаат потребните уставни измени за продолжување на европскиот пат.
- Оваа држава од денот на одржување на првата меѓувладина конференција го започна патот за зачленување во ЕУ. Од тој пат нема назад, нема ниту лево, а уште помалку десно односно кон истокот, така што сосема е нерелеватно барањето на ВМРО-ДПМНЕ за некаков референдум кое треба да биде изјаснување против зачленување во ЕУ… Затоа пратениците коишто ги претствуваат граѓаните треба да бидат на ниво на својата задача и сите одлуки кои треба да се носат во однос на зачленувањето во ЕУ вклучително и закони и Уставни измени да ги носат во интерес на граѓаните. Ќе повторам уште еднаш највата за референдум е исклучиво за внатрешно-политички прашања во ВМРО-ДПМНЕ и за ништо друго
Од опозиициската ВМРО-ДПМНЕ пак, велат дека референдумот е можност да се чуе народот и ја повикуваат и власта и сите останати партии да ја поддржат нивната иницијатива.
“Со одење против референдум Ковачевски го помножи народот со нула, а народот ќе му покаже дека тој е нула. И денеска Ковачевски оди со глава во ѕид против народот, без да понуди едно рационално објаснување зошто бега од референдум. Ако е се како што кажува Ковачевски, тогаш нема причина да се плаши за своите политики. Но очигледно Ковачевски е свесен дека народот е против асимилацијата која тој ја турка и затоа бега од соочување со него. … Со бегање од референдум, Ковачевски покажува дека не му е важен ставот на народот и го множи со нула, но тој треба да биде свесен дека со ваквиот однос кон народот тој самиот ќе биде нула и на референдумот и на следните избор, велат од ВМРО-ДПМНЕ.
-
Катерина Нешкова
Сите содржини од овој новинар