Македонија
1. July 2022 - 14:32

Ковачевски: Не можам да ја коментирам автентичноста на напишаното во бугарските медиуми за разликите во предлозите

На денешната прес-конференција премиерот Димитар Ковачевски на новинарско прашање за реакциите на бугарските медиуми дека нема никакви промени во предлогот одговори дека францускиот предлог, согласно стратешките интереси на земјата за членство ЕУ, треба да биде прифатен, односно изгласан во Собранието.

-Не можам да ја коментирам автентичноста на она што е напишано во бугарските медиуми, дел велат дека има, дел дека нема разлики. Но треба да знаете дека бугарскиот парламент донесе нова резолуција во однос на претходната која беше рестриктивна и тоа овозможува кревање на ветото. Ова е предлог кој ќе оди во Собранието согласно нашето уставно уредување, рече Ковачевски.